(স্বাধীনতা দিৱসৰ অনুভৱ)
মুহুৰতঃ
পৰাধীনতাৰ শিকলি চিঙাৰ
সপোন দেখা- স্বপ্ন-ফুলৰ-
‘স্বাধীনতা তোমাৰ জন্মগত অধিকাৰ’ …
ক্লাইমেক্সঃ
হেজাৰ চহিদৰ কেঁচা তেজৰ বন্যাত
দেশৰ লেকাম তোমাৰ বজ্ৰ-মুঠিত,
উত্তাল দেশ, উত্তাল বিশ্ব
উল্লাসত তোমাৰ…
ছন্দপতনঃ
ডেউকা মেলিলে জাকে জাকে
হেজাৰ হেজাৰ দেশী ভাম্পায়াৰ,
কৰ্ণ-গহ্বৰত আঘাত এটাই ঐক্যতান-
‘স্বাধীনতা দেশৰ,ভোগাধিকাৰ আমাৰ’..
উপ-সংহাৰঃ
অৰ্ধ-মৃত তুমি, বুকুত বান্ধি লৈ-
স্বপ্নাধিকাৰ আৰু ভোটাধিকাৰ!
